Sjaambein

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Gerieëps van 't bekke (veuraanzich)
1=hèlgebein, 2=dermbein, 3=zitbein, 4=sjaambein (4a=corpus, 4b=ramus superior (richting kop), 4c=ramus inferior (aan sterkantj), 4d=tuberculum pubicum), 5=symfyse (sjaambeinsvoog), 6=häöpkómp, 7=foramen obturatum, 8=stertbein, roeaj strepelien= linea terminalis

't Sjaambein (Letien: os pubis) is d'n inwenjigste vanne drie knäök, naeven 't zitbein en 't dermbein, die same de häöp vörme. 't Sjaambein besteit oet 't lief (corpus), de bäövelsten tak (ramus superior) ennen ungelsten tak (ramus inferior).

't Lief is zoea good wie plat en heltj nao veur. d'n Achterkantj is ouch nao baove gerich; de oppervlaakdje dao is gled en vörmp de wandj van 't bekken ane veur- en óngerkantj, wotaenge de urienblaos aan ligk. d'n Óngerkantj is onna nao baove gerich, meh haet daotaengen 'n roew oppervlaakdje woraan zich spiere hechte.

Bie vroulje ligk op 't sjaambein e läögkse vèt: de venusheuvel (mons pubis).