Schóttelslet
Dit artikel is gesjreve (of begós) in 't Lottems. Laes hie wie v'r mit de versjillende saorte Limburgs ómgaon.
'n Schottelslet (in anger dialekte sjotelsplak, in 't Nederlands vaatdoekje) is 'n dûkske waomei 't aanrech én de goëtstiën waere schón gemaakt. 'n Schottelslet wurd ok gebroekt um taffels mei aaf te doon.
De naam is waat verwaarrend, want de vaat aafdruüge wurt ni mit 'n schottelslet gedaon, ma mit enne tiejedook. 'n Schottelslet wurt daorum ok wal, aanrechtdûkske of dweiltje genumt. Tóch hêt de naam wal betrekking op de aafwas. 't Is de vurloëper vaan d'n aafwasborstel.
Schottelslette kunne vul bacterië bevatte âs ze neet regelmaotig gewasse waere. Eind twiejedoezendvief muk de Consumentebond bekend daat'n schottelslet in 'n studentehoês gemiddeld 7,9 miljard bacterië bevat. In 'n schottelslet beej 'n Nederlands gezin werde gemiddeld 3,1 miljoen bacterië ágetrôffe. Áale deuk bleke beej 't onderzeuk al nao iënen daag veul bacterië te bevatte. Dit hôf gên probleem te zien âs de schottelslet alliën wurt gebroekt vur 't schonmake vaan d'n aanrech. Door 't dûkske te wasse op zestig graad waere âale bacterië gedoëd.
Poetse deit me ouch mèt 'ne aafgedankde, meistal ketoene lap stof, poetslómmel geneump.