Shen Kuo

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Sjen Kuo, Shen Kuo of Shen Kua (Chinees: 沈括; pinyin: Shěn Kuò) (1031–1095), Chinese naam Cunzhong en pennaam Mengqi Weng, waor ‘ne Chinese filosoof, fysicus, diplomaat, oetvinder en diechter vaan de Song-dynastie. Heer waor de hoofastronoom aon 't hof vaan de Song-keizer, keizerleke inspecteur, minister vaan financië en vice-minister vaan keizerleke gasvrieheid. Politiek gezeen waor heer ‘ne veurstäönder vaan de hervormiste vaan kanselier Wang Anshi.