Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.



Sergej Stanislavovič Udal'cov[1] (Серге́й Станисла́вович Удальцо́в, spreek oet: Syergkéí Stanislávavietsj Oedaltsóv; 16 fibberwarie 1977, Moskou) is 'n Rössisch links-polletiek persoenlekheid, de leier vaan de beweging Avangard Krasnoj Molodëži (AKM, de Roeje Jäög Avant-Garde) en 'ne co-ordinator vaan Levogo fronta ('t Links front) en 't Moskous publiek initiatiefsorgaan Moskovskogo soveta (kin vertaold weure es Moskoviets Adviesorgaan mer ouch es Moskovietse Sovjet). Heer is eine vaan de polletieke leiers die deilnomme aon de Rössische proteste vaan 2011 bis 2013.[2]

Udal'cov woort in 2012 sjöldeg gevoonde door 't Rössisch Gerechshof veur 't illegaal organisere vaan demonstraties op 6 mei 2012, kort veurtot Vladimir Poetin woort geïnaugureerd es nuie prizzedent vaan Rösland. In augustus 2017 woort heer vrijgelaote. Neet laank daonao reep heer alle linkse oppositiepartije op same te wèrke um 'n reëel kans te make in de aonkoumende prizzedentsverkiezinge.[3]

Rifferenties bewirk

  1. Aofhengend vaan de vertaoling kin de naom weure opgesjreve in 't Latien alfabet es Sergei Oedaltsov, Sergei Udalzow, Sergueï Oudaltsov of Sergei Udaltsov. De hei gehanteerde sjrijfwijs is de internationale meneer vaan 't euverzètte vaan Cyrillisch nao Latien.
  2. Rössischtaoleg artikel op Wikipedia
  3. Leftist leader Udaltsov out of custody, urges unity in view of presidential polls (RT News, Ingels)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sergej_Udal%27cov&oldid=438950"