Rubicon (Belzje reveer)

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

De Rubicon, de oondergrondse reveer in de Grotte van Remouchamps.

De Rubicon is 'n oondergrondse reveer in de Grotte va Remouchamps in de Belzje provincie Luuk. Ze is mèt 600 meter een van de langste oonderaardse revere in Europa. Ze oontsjprèngt ooch oonder d'r groond es 'n resurgentiebron of karstbron.

't Koolzoerhoudend water van de Rubicon haat de grotte gevörmd, dördat 't kriet zich in 't water oplosde. De reveer mond baove d'r groond oet in de Amblève. D'r dröppelsjtèè haat zich pas nao de vörming van de grotte kinne vörme. De aanwezighèèd van de Rubicon zaet ooch dat 't grotvörmingsproces nog ummer gaonde is.

In de Rubicon laeft d'r niphargus, 'n wit dörzichtige, blin garnaal, die ene bies 3,5 cm groeët is. Ze laeft va deerleke en plaantaardige voeding.

Gezèkde

Dat is nog neet över de Rubicon. Dit gezèkde betekent: Daoöver is nog 'n akkaoërd mäögelek.