Riky Simons-Julicher

Dit artikel is gesjreve (of begós) in 't Zjwaams. Laes hie wie v'r mit de versjillende saorte Limburgs ómgaon.

---

Riky Simons-Julicher (*1954) woont in Zjwame, haet dao nao de pedagogische academie versjillende jaore veur de klas gesjtange en later nag 'n poos op 'n advokaotekantoor in Remunj gewèrk. Häör grótste hobby is taal; ze sjrief veur diverse vereiniginge sjtökskes veur lokaal blaedjes wie 't Zjwaemke en Biejeingezeumerd van de Milieu- en Heemkundevereiniging Swalmen. Op zien feertigste is 't ouch begós mit gedichte sjrieve, ze nump det zelf versjes ómdet ze meistal waal rieme- in 't Zjwaams.

Ze wèrkde mit aan 't Zjwaams waordebook (2005) en aan 't Gezèkdesbook: Zal ich dich 'ns get zègke (2011). Binne Veldeke is ze lid van de Sjrieverskrink Midde-Limburg, van de Commissie Veldeke-Volkscultuur en sinds 2015 ouch van 't Provinciaal Besjtuur van Veldeke (vereiniging).

Ondersjeiing

In 2015 kreeg zie de zilvere medaille (lintje) van de Orde van Oranje-Nassau.

Publicaties

• 2008, óm ós haer, gedichtebeukske in 't Zjwaams mit foto's van Hans Simons
• 2010, gedich in D'r hergod versjteet óch plat, LiLiLi nr.67
• 2016, Mien eerste wäördjes, 'n veurlaeswaordebeukske mit 180 korte versjes veur peuters en kleuters mit illusjtraties van Leny Geraedts-Simons
• Gedichte in diverse aafleveringe van Platbook