Ried fan de Fryske Beweging
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Ried fan de Fryske Beweging ("Raod vaan de Friese beweging") is 'n oonaofhenkeleke stiechting oet Friesland die ziech inzèt veur 't behaajd vaan zoewel de Friese taol es de Friese cultuur. De stiechting deit dit door es bemiddelingspunt tösse aander Friese organisaties en de Nederlandse euverheid te fungere. De stiechting besteit oet vrijwèllegers en ze heet momenteel ongeveer 500 donateurs.
Historie bewirk
De Ried fan de Fryske Beweging woort in 1945 opgeriech en waor oontstande oet versjèllende awwer organisaties. Ziene belaankriekste taak waor de wètteleke besjerming vaan 't Fries in de Nederlandse groondwèt vasgelag te kriege. Zoe 'n wètgeving gaof 't in Nederland nog neet ieder. Me kin direk of indirek donaties geve, of lid vaan de Raod weure. Sinds de opriechting zien ummer mier organisaties lid geweure.
Lidorganisaties bewirk
De volgende organisaties zien momenteel aongeslote:
- de Federaasje fan Fryske Studinteferienings, in Friesland en daoboete.
- Feriening foar Frysk Underwiis (FFÛ), 'n vereineging veur 't in 't Fries gegeve oonderwies.
- Freonen fan Omrop Fryslân veur de publieke Friese radio.
- it Frysk Amateur Toaniel, 'n organisatie wat zoewel de versjterking vaan de Friese taol en cultuur es vaan de Friestaolige buun sjtimuleert.
- it Frysk Boun om Utens 'n euverkóppeling vaan alle Friese organisaties boete Friesland.
- Fryske Rie, 'n stiechting die de samewèrking tösse Friestaolege in Nederland en Duitsland wèlt bewèrkstèllege.
- Jong Fryske Mienskip, die de Friese literatuur wèlt verbetere.
- Kristlik Frysk Selskip, wat 't gebruuk vaan 't Fries in de kèrk wèlt stimulere.
- It Selskip foar Fryske Tael- en Skriftekennisse, wat sinds 1844 bezeg is de Friese taol oet te bouwe.
- Stellingwarver Schrieversronte, veur 't ambtelek gebruuk vaan 't Stellingwerfs.
- Stichting Ons Bildt, veur 't gebruuk vaan 't Bildts.