Rien

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De Rien (Pruus: Rhein; Frans: Rhin; Nederlandjs: Rijn, (aad) Rhijn; Reto-Roemaans: Rain; Ripuarisch: Rhing; Luxemburgs: Rhäin) is mit 1.233 kilomaeter ein vanne laenger revere van Europa. 800 kilomaeter vanne reveer ligk in Pruses, wo ouch 't grótste deil van 't struimgebied (120.000 vanne 185.000 km²) ligk. In Kölle is t'r óngevieër 400 maeter breid.

De Rien struimp door Zwitserlandj, Liechtenstein, Oeasteriek, Pruses, Frankriek en Nederlandj en struimp nao de Naordzieë.

Etymologie

De naam Rien kump aaf van 't de veróngerstèldje Aadnederlandjse vorm *Rīn oet 't Aadgermaanse *Rīnaz. In 't Gallisch woort de reveer Rēnos geneump, in 't Letien Rhēnus en in 't Aadgrieks Ῥῆνος (Rhēnos). De naam kump wersjienlik van 't Indo-Europese *rei- det "struime" mèntj.

't Veurkómme van 'n lang ē inne Letiense en Griekse name duudj op Keltischen invlood, aangezeen d'n euvergank van Indo-Europees *ei nao lang ē ein vanne kènmirke van 't Keltisch is (*ei wuuertj namelik ī in 't Germaans en Letien). Me kan dus aannumme det de Germaanse en Gallische name drek oet 't Indo-Europees kómme, dewiel de Gallische naam wersjienlik ouch de brón vanne Griekse en Letiense namen is.

Dit artikel is e sjtumpke. De kans Wikipedia helpe door 't aan te völle