Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.


René Shuman

René Shuman (Gelaen, 5 december 1967) is 'ne Nederlandse zanger, gitarist, componist en producer.


Biografie bewirk

Shuman verwórf nasjenale bekèndheid door zien optraeje in 1985 in de Soundmixshow van Henny Huisman. Hae woort tweëde mèt 't repertoire van Elvis Presley, ein vertolking van de nummers "Are you lonesome tonight" en "Don’t be cruel". Shuman kreeg 'n platecontrac biej Sony/CBS en brach zien eësjte album "Rene Shuman" oet. Hae wirkde hiebie mèt Pete Wingfield en de productie waas in hènj van Hans van Hemert en Peter de Wijn. Zien tweëde album bevatte völ eige songs en woort geproduceerd door Marcel Schimscheimer en Ronald Sommer. Zien latere albums woorte door Shuman zelf gesjreve en geproduceerd: The Main Language, Mission of the heart en Set the clock on Rock. Veur dit derde album ging hae drie maondj nao 'ne sjtudio in Brazilië. Dao naom hae songs op mèt de dao heël bekènde artieste Milton Nasciomento en Guilherme Arantes. Wiejer haet hae duette opgenómme mèt Laura Fygi en Nancy Boyd. Ouch goof hae 'n live optraeje mèt James Last en zien orkes. In de 1990-er jaore ging Shuman geregeld nao Amerika en naom in Nashville 'n aantal nummers op. Hae wirkde mèt drumlegende Larry Londin en sjreef de titelsong Set the Clock on Rock van 't gelieknamige album mèt Pamala Philips en Mike Stoller. (van Leiber en Stoller) Ouch naom hae in Los Angeles 'n duet op mèt Phil Everly (Everly Brothers) en woort in 1997 oetgeneuëdigd óm op te traeje tiedes "The Elvis International Dance Event". Hae traoj versjillende keëre op mèt de originele bandlede van Elvis Presley. Zoawaal in groepsvorm, individueel es unplugged. Zoa sjtóng hae op de plenk mèt "The Jordanairs" (de originele zanggroep van Elvis), de TCB Band, DJ Fontana, Scotty Moore, Cherrill Nielsen en Charly Hodge.

Óndanks 't feit dat 't Nederlandse pebliek Shuman dèks associeert mèt de meziek van Elvis Presley, doerde 't pès 2003 veur hae 'ne cover oetbrach van 'de King'. Zien repertoire tot dan toe besjtóng oet eige composities die veulal door hemzelf woorte geproduceerd. In de door 't pebliek gekaoze poll de Sena Guitar Awards sjteit hae versjillende keëre in de top 3 van bèste gitariste van Nederland. Zien gitaarsjpel is Rock-a-billy fingerpicking in de sjtiel van Chet Atkins. Atkins waas zien groat veurbeeld en Shuman zaog in 1992 kans óm mèt hem te wirke in Amerika.

Naodat Shuman 't eind jaore '90 'n tiedje wat röstiger aan deeg en emigratie nao de Verenigde Sjtate euverwoog, kaom hae in 2000 in contact mèt Angel-Eye, welke óntmoeting veurde tot 'n langdoerige samewirking ónger de naam Shuman & Angel-Eye. In december 2008, tiedes de opname veur de kers-dvd Rockin' Around The Christmas Tree, maak 't duo bekènd mèt elkaar in 't huwelik te gaon traeje.

In 2004 woorte René Shuman en Angel-Eye door de Derebesjerming gevraog óm zich in te zètte es ambassadeur veur hun organisatie.

Discografie bewirk

Oetgebrach es "René Shuman" bewirk

  • René Shuman (Album 1986)

+ singles: But Where My Love, Lonely Girl, Rhythm Of My Heart, Young Girls And Cadillac Cars

  • The Main Language (Album 1988)

+ singles: 'cause You're Not Here, Sweet Lovin', Turn Out The Light, Love And Body, Love W.a.v.e.s

  • René Shuman & Band Live (Album 1989)

+ singles: 'cause You're Not Here (live)

  • Mission of the Heart (Album 1990)

+ singles: In Our Minds, Mission Of The Heart, The One To Start

  • Love You Done Me Wrong (Single 1991)
  • On Top Of The World (Single 1992) Duet mèt Phil Everly (Everly Brothers)
  • Set The Clock On Rock (Single 1993)
  • Road To Freedom (Single 1997)
  • Set the clock on Rock (Album 2001)
  • Travel in time (oetgebrach es "the Dream" (Album 2010)

Oetgebrach es "Shuman & Angel-Eye" bewirk

  • Don't be cruel (single, 2003) - Nummer 12 in de Mega Top 50; nummer 13 in de Top 40
  • Magic ride (single, 2006) - Nummer 20 in de mega top 50; 't Eësjte exemplaar woort euverhènjigd door awt-Tour de France-winnaer "Bernard Hinault". Taeves woort dit nummer verkaoze tot officiële Toursound 2006.
  • Mr. & Mrs. Rock 'n Roll (DVD 2007) - Opgenómme in 't Aopelóchtheater in Valkeberg.
  • Suspicious Minds (Single 2007)
  • The Dream (Soap 2007) (8-delige SOAP die via 10 regionale zenders en ouch 't TROS kanaal Sterren.nl zal waere oetgezónje.)
  • The Dream goes Christmas (Soap 2007) (4-deilige SOAP die via 15 regionale zenders (o.a. L1, RTV10 en ouch 't TROS kanaal Sterren.nl zal waere oetgezónje.)
  • Everyday Christmas (Single 2007) Gouwe plaat oetgereik tiedes de kerstour veur 30.000 luuj in de sjouwburg Nijmegen.
  • The Night comes to an end (Single 2008)
  • The Dream (part 1) (DVD 2008)
  • Rockin' around the Christmas Tree (DVD 2008)

Brónne/Externe links bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=René_Shuman&oldid=349717"