Rechhook

Dit artikel is gesjreve (of begós) in 't Kinders. Laes hie wie v'r mit de versjillende saorte Limburgs ómgaon.

'ne Rechhook is in de mattemetik 'n twie-dimensjonale feguur mit veer ziej en veer rechte heuk tösse die ziej. Twie euverligkendje ziej zeen altied aeve lank. 't Is 'n bezunjere vörm van 'ne veerhook.

'n Veerkantj is 'n bezunjere rechhook: 't is 'ne rechhook woebie alle ziej aeve lank zeen.

'ne Balk is 'n driej-dimensjonaal lichaam mit zès ziejvlak die eder de vörm van 'ne rechhook höbbe.

Eigesjappe

't oppervlak van 'ne rechhook weurt es volg beraekendj:

oppervlak = lengde × breide

d'n ómtrèk beraeken se es volg:

ómtrèk = 2 × (lengde + breide)

bie 'ne rechhook snieje de diagonale zich in 't midde.