Ratverzoepe

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.

---

't Ratverzoepe is de tradisioneel aafsjloeting van de vastelaovendj van carnavalsvereniging de Waterratte oet Ool. Dit vindj natuurlik plaats op carnavalsdinsdig en weurdj gedaon biej 't Rattepalies in Ool. Biej dit sjpektakel weurdj de rat die biej de äöpening van 't seizoen, de 1ste zaoterdig nao de 11e van 'ne 11e, oet de Maas is gehaoldj, weer trökgegoojdj in de Maas. Ditzelfdje sjpektakel vindj ouch veur de jeug plaats, mit ein kleiner rat.

Eeder jaor veur de äöpening van 't seizoen weurdj d'r ein nuuj rat gemaaktj door de prins van 't letste seizoen. Ouch de jeugprins van 't letste seizoen mot de nuuj rat, die meistal ein sjtök kleiner is den die van de grote Waterratte, maake.