Rømersjaol

De Rømersjaol is 'n temperatuursjaol die in 1701 woort óntwikkeldj dore Deensen astronoom Ole Christensen Rømer (1644-1710). Temperature volges tees sjaol waeren oetgedrök in graoje Rømer of °Rø.

't Nólpuntj van dees sjaol woort gestèldj mit behölp van smultjendj pekel. Veuren angere kantj vanne sjaol gebroekdje d'r 't kaokpuntj van water det t'r stalj op 60 °Rø. Tösse dees twieë waerd maakdje d'r 'n lineair sjaolverdeiling door te interpolere. Volges dees sjaol is 't smultjpuntj van ies 7,5 °Rø.

Gabriel Fahrenheit vernoom van 't wirk van Rømer en bezóch 'm in 1708. 't Idee van 't numme van twieë vaste puntje (kaokpuntj en smultjpuntj van 'n bepaoldje stof) noom d'r euver. Hae stalj zich es doel de sjaol te verbaeteren en óntwikkeldje zien eige sjaol in 1724. Ouch Anders Celsius noom dit idee euver veur zien sjaolverdeiling.

Conversie nao anger sjaole

	$\leftrightarrow$
$T_{Celsius}=(T_{Romer}-7,5)\cdot {\frac {40}{21}}$		$T_{Romer}=T_{Celsius}\cdot {\frac {21}{40}}+7,5$
$T_{Fahrenheit}=(T_{Romer}-7,5)\cdot {\frac {24}{7}}+32\!$		$T_{Romer}=(T_{Fahrenheit}-32)\cdot {\frac {7}{24}}+7,5$
$T_{Kelvin}=(T_{Romer}-7,5)\cdot {\frac {40}{21}}+273,15$		$T_{Romer}=(T_{Kelvin}-273,15)\cdot {\frac {21}{40}}+7,5$
$T_{Rankine}=(T_{Romer}-7,5)\cdot {\frac {24}{7}}+491,67\!$		$T_{Romer}=(T_{Rankine}-491,67)\cdot {\frac {7}{24}}+7,5$
$T_{Reaumur}=(T_{Romer}-7,5)\cdot {\frac {32}{21}}$		$T_{Romer}=T_{Reaumur}\cdot {\frac {21}{32}}+7,5$