Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Keek op Rømø vanoete lóch.

Rømø (Duutsj: Röm, Naord-Fries: Rem) is 't zujelikste bewóndje waddeneilandj det toet Daenemarke behuuert, waat gelaengen is tösse de eilenj Sylt en Mandø. De oppervlakdje van 't eilandj is 130 veerkentje km². Op 't eilandj laeve zoeaget 575 luuj. Op 't eilandj ligk de klein badplaats Lakolk.

Rømø is mit 't vastelandj verbónje door 'nen diek van 9 km lingdje. Ouch is 't eilandj te bereike mit 't vaer; dees verbinjing geit van 't plaetske Havneby nao de have van List (op 't Duutsj eilandj Sylt). Tiejes de vaart kump 't vaer in internasjenaal water en kan me dao inwaegingsvriej waar koupe. Juus wie de anger waddeneilandj haet de vorm van Rømø zich väöl verangerd. Gelangentied waas de vèsserie de wichtigste inkumstebrón van 't eilandj, mit later 'n toenaam van hanjel. Allewiel laef 't bao gans van 't toerisme en kan me dao e deil monumènten en musea vinje.

Rømø is bekandj veur zie strandj, waat lokaal 't brèdste strandj van Europa geneump wuuert.

Administratief vèltj Rømø óngere gemèndje Tønder.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rømø&oldid=443437"