Québec

(Doorverweze van Quebec)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking van Québec in Canada.

Québec (oetspraok in 't Limbörgs: ku\bek) is 'n Franskallendje pervinsje in 't oeastelik deil van Canada mit 'n oppervlakdje van 1.542.056 km². In 2016 haw de pervinsje zón 8,2 miljoen inwoonders. De houfstad vanne pervinsje is 't gelieknamig Québec-stad, meh Montreal is de grótste stad vanne pervinsje. Anger stej mit mieër es 100.000 inwoonders zeen Trois-Rivières, Sherbrooke, Gatineau en Saguenay.

De naam Québec kump oet 't Mi'kmag gepèèg "vernejjing van 'n reveer", en sleit op 't smaal stök vanne Saint Lawrence woraan noe Québec-stad ligk. 't Is de insigste pervinsje van Canada wo allein 't Frans erkindj wuuert es amtelike spraok. In taengestèlling toete res van 't landj, waat euverwaegendj próttestants is, is 'n mieëderheid vanne inwoonders hie roeams-katteliek.

De pervinsje grens in 't zujen ane Vereinigdje Staote, in 't wèsten aan Ontario en in 't oeasten ane pervinsje New Brunswick. Zoeaget de hèlf vanne gróndjoppervlakdje besteit oet maeren en revere; hiemit ligk 16 percent van 't zeutwater oppe werreld in dees pervinsje.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Québec&oldid=444813"