Pruuk

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Pruuk is e kónsmaesig kapsel det wuuert gedragen oppe kap veure suggestie te wèkken e richtig kapsel te zeen. 'n Pruuk die mer e deil vanne kop bedèk neump m'n e haorstök of e toupetje.

'n Pruuk kan waere gemaak van synthetisch haor, paershaor of ech haor; det litste is aanzeenlik duurder. Ouch eige kophaor die zeen aafgeknip gewore kónne waere gebroek, meh det kump neet väöl veur.

Pruke waere veural gedrage door luuj die ónvraej höbbe mit häör eige kapsel. Manskaerele die zoea kaal zeen gewore drage bao noeatj 'n pruuk, meh luuj die chemokuur óngervinje, höbbe döks las van haoroetval. De wins veur die luuj is det de pruuk netuurlik haor geliek, zoeadet anger luuj neet kónne zeen det zie 'n pruuk ophöbbe. In Limbörg drage luuj döks pruke mitte vastelaovendj es óngerdeil van 't zich verkleie.

In 't Vereinig Keuninkriek drage richters 'n witte pruuk die óngerdeil is van 't ambskostuum.