Polytheïsme

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Polytheïsme is 't geluif in mieë gaoje. Gooj veurbiljer zeen de religies vanne Aaj Grieken enne Romeine en sómmige vörm van hindoeïsme. Ouch 't neopaganisme vèltj veur e groeat deil ónger 't polytheïsme.

Polytheïsme wuuertj dökker taengeneuver monotheïsme gestèldj ('t geluif in slechs eine god). Aan hengers van 't hindoeïsme zówwe dao aevel taengeneuver stèlle det al häör gaojen eigentlik neet mieë zeen es de väöl versjillige aspèkte van Bhagwan, d'n eine god, dae in zie gehieël veure miense neet te begriepen is. Aanhengers vanne islam zówwe den weer stèlle det kristene mitte drie-einheid die zie belieje dezelvendje raejenering volge.

Gestèldj wuuertj det de abrahamitische religies (islam, joeadedóm en kristendóm) oearsprunkelik polytheïstisch wore; geleielik aan woort eine god centraal gestèldj (henotheïsme) en toet slot is 't verieëre van en geluiven in anger gaoje verdrónge gewaoren en oetgestórve.

De interpretatie van 't waord "polytheïsme" is dus neet gans vrie vanne religieus waerd vanne persoean dae 't begrip hantjeertj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Polytheïsme&oldid=365020"