Staotsgreep

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

'ne Staotsgreep, coup, coup d'état of poetsj is 'n plötslige, illegaal aafzètting van 'n regering, meistes door 'n klein groep van 'n instèlling vanne bestäöndje staot, gewuuenlik door 't leger, veure aafgezatte regering te vervange door 'n anger instèlling; zie 't börgerlik of milletaer. 'ne Staotsgreep is geslaag es de euverweljigers häör dominantie vestige wen de zittendje regering neet d'rin slaag häör machsversterking te veurkómmen of mit succes te waerstaon. Es de staotsgreep ofwaal neet gans mislök, ofwaal neet gans succes book, zal de poeaging toet 'ne staotsgreep wersjienlik leie toet 'ne börgerkrieg.

Meistes maak 'ne staotsgreep gebroek vanne mach vanne bestäöndje regering veure politische mach te griepe. 'ne Staotsgreep besteitj volges Edward Luttwak oete infiltratie van e klein, meh kritisch deil van 't staotsapparaat, det den wuuertj gebroek veure regering te verdringe van häör kóntraol euvere res van 't staotsapparaat. Dus is gewaopendj geweldj, zie 't milletaer of paramilletaer, gei tupisch kènmirk van 'ne staotsgreep.