Pieter Custers
Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.
Pieter Johan Jozef Maria (Pieter) Custers (Wieërt, 13 mieërt 1984) is 'ne Nederlandse handjbaogsjötter.
Custers sjut mèt 'ne recurvebaog. Hae begoosj mèt baogsjete went 'r vief jaor waas. Custers is 'ne broor van compound-sjötter Emiel. Hae behaolde 'n bronze medaille op 't Europees Kampioensjap in 2004 en wón goud mèt zien team.
Custers deeg mit aan de Olympische Sjpele in Athene (2004), wo hae individueel in de eësjte runje woort oetgesjakeld. Hae beheuërde daonaeve tot 't Nederlands handjbaogteam, mèt Wietse van Alten en Ron van der Hoff, womit hae de viefde plaatsj behaolde.
In 2007 woort Custers Nederlands Kampioen outdoor (recurve).
Custers deeg ’n aantal poginge met zien plooggenote óm zich te kwalifisere veur de Olympische Sjpele in Peking (2008), mèr oetèntelik zónger succes.