Parksjtad Limburg Sjtadion
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Kirchröadsj, es te dit dialek sjpriks.
't Parkstad Limburg Stadion is e voetbalstadion in Kèrkraoj, in De Locht (weste vaan de gemeinte). 't Is sinds zien oplievering in 2000 't toesstadion vaan Roda JC, wat daoveur op Sportpark Kaalhei had gespäöld. In 't stadion goon 'n klein 20.000 lui. De veer tribunes höbbe allemaol 'nen aonbouw, boe-in oonder mie vergaorzaole, winkele en e hotel zien gevesteg.
Historie bewirk
Al in 't sezoen 1993/94 leep me bij Roda mèt 't idee roond um e nui stadion te bouwe. Oersprunkelek zouw dit in 1996 mote veerdeg koume. Bij de planne waor neet allein de gemeinte Kèrkraoj betrokke, meh ouch de gemeinte Heerle. Roda mós dus 'n club veur de ganse Parkstad Limburg weure; vaandao ouch de naom. Heerle eisde evels tot 't stadion binne zien gemeintegrenze zouw goon ligke, zoetot de planne neet woorte oetgeveurd. Pas in 1998 woort beslote 't nui stadion toch aon De Locht te bouwe. Nao nog get klein probleme krijg Roda dao in 1999 touwstumming veur.
In september begint me mèt 't ramme vaan de paole, wat 'ne maond doort. De naam weurt in fibberwarie 2000 bekind gemaak. De bouw verlöp good en op 15 augustus 2000 kin 't stadion weure geopend mèt 'n optrejje vaan Rowwen Hèze en 'ne match tege Real Zaragoza (2-2).
Op 17 aprèl 2002 woort hei de vrundsjappeleken interland tösse Chili en Turkije gespäöld (0-2). Bij 't WK Voetbal oonder 20 vaan 2005 is Kèrkraoj speulstad veur oonder mie d'n openingsmatch (Benin-Australië, 1-1).