Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Pará Arára is 'n Caribische spraok die gekaldj wuuertj inne Pará-staot van Braziel. De spraok wuuertj gekaldj door zoea 340 luuj (2010) en haet de ISO 639-3 code aap.

De spraok steitj ouch bekèndj es Arára Bravos en wuuertj gekaldj in twieë dörpkes: Laranjal en Cachoeira Seca. 't Is neet bekèndj of 't dialekte guuef, meh de spraok liek sjienbaar 't meis op 't Ikpeng en 't Bakairí. De spraok wuuertj mit 't Letiens sjrif gesjreve.

Sómmige sjoealgäöndje kinjer lieëre wie ze Pará Arára mótte laezen en sjrieve, mer óngerhandj alle gelitterdje laezen en sjrieve Portugees. 'n Spraok die ouch door sómmige adolescènte gebroek wuuertj.

Sómmige gruup mit spraekers zeen neet in kóntak mitte wèstersje werreld. Subgruup vanne Arára zeen de Apiaká of Miranya (Apingui), de Arára-Pariri of Arára Mansos, de Arára Bravos en de Yarumá. Mit oetzunjering vanne Arára Bravos, wo de hujige Pará Arára-luuj aafstammelinge van zeen, zeen alle anger subgruup oetgestórve.

De spraokstatus veur dees spraok is laevetig (6a); det beteikentj det de spraok gebroek wuuertj veur persuuenlike communicatie door alle generaties en det de situatie haadbaar is.

Classificatie bewirk

Brón bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pará_Arára&oldid=410313"