Pils

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.

Pils of Pils(e)ner is e beer van óngergisting mit 'n goodgeël kluur. 't Bevat óngevier 5% alcohol en weëd gemak van water, mout, hop en gis. Mit behulp van anger ingediënte, wie meis of soeker, kan 't alcoholgehalte weëde verhuueg. 't Touwveuge van anger ingediënte is evvel neet zoeë gebroekelig (Reinheitsgebot).

D'r naam is aafgeleid va g'n Tsjechisje sjtad Pilsen (Plzeň). Iwuuenesj van die sjtad woare aan 't begin van de 19e ieëw neet content mit de kwaliteet van 't beer. Ze besjlote 'n nui brouwerei 't bouwe en d'r Josef Groll i te hure. Zinne pap woar 'ne ervare brouwer i Vilshofen, Beiere. In 1842 woeëd 't ieësjte flesjke pils geproduceerd, wat e groeët sukses woar. Huuj sjteet 't beer, wat me doa brouwt, bekind ónger d'r merknaam Pilsner Urquell. Vuural i Zuud-Duutsjland en Tsjechië weëd dan ooch van aodsher vöal pils gebrouwe. I groeëte dele va Nederland, Nederlands Limburg, 't Belsj en g'ne Nederrien brouwde me vruueger mieëtstes beer van boavegisting (bv. duuster beer wie alt of angesj hel bere van dat tuup, wie Kölsj). Bekinde Limburgse pilsproducente zint Alfa, Brand, Gulpener en Hertog Jan.

Dit artikel is e sjtumpke. De kans Wikipedia helpe door 't aan te völle