Moesjelkrieëfte

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De moesjelkrieëfte (Letien: Ostracoda) vörmen 'n hieël groeate klas aan krabechtige. Ze bezitte 'n twieëkleppige sjaol en zeen wichtige gidsfossiele.

Anatomie

't Lief van 'ne moesjelkrieëf besteit oet 'ne kop (cephalon) det van 't bórsstök (thorax) is aafgejeie door 'n lichte vernejjing. 't Guuef gein dudelike segmentaasje. 't Achterlief (pleon) is geregresseerdj of zelfs gans eweg. In vólwasse exemplare zeen de gonade verhajingsgewies groeat. Mit inbegrip van 't mennelik copulaasjeorgaan bezitte moesjelkrieëfte zès toet ach paar aanhingsele.

't Meis-oetgespraoke kènmrik vanne moesjelkrieëfte is d'n twieëkleppige carapax. Dezen is hieël wusselendj kwa vorm en versiering (gled, mit pötje, richele, greuf, stekele, en zo wiejer), en in väöl orde is dees chitineus sjaol verkalk. De kleppe kónne waere geslaote door 'n sloetspier.

De meiste saorte zeen tösse de 0,1 en 2,0 mm groeat, meh leje van 't geslech Gigantocypris, det inne zieë laef, kónne toette 32 mm lank waere.

Taxonomie

Riek: Animalia (dere)
- Óngerriek: Eumetazoa (orgaandere)
  - Klaad: Protostomia (oermunjige)
    - Superstam: Ecdysozoa (hujingsbieëster)
      - Stam: Arthropoda (gelidpuuetige)
        Óngerstam: Crustacea (krabechtige)