Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Oscar Wilde

Oscar Fingal O'Flahertie Wills Wilde (16 oktoeaber, 1854 - 30 november 1900 waas 'nen Ingels-Ierse sjriever, dichter en dramaturg.

BiograafBewirk

Wilde waas gebaoren op 16 oktoeaber 1854. Hae kwaam oet 'n protestantse Ingels-Ierse femieljen in Dublin. Ziene pap Sir William Wilde waas 'ne bekindje oear- en ougspecialis en sjreef ouch beuk euver archeologie; zien mam Jane Wilde waas 'n succesvol sjrieverse en 'n Ierse nationaliste, die bekindj stóng es Speranza.

Nao zien studie in Dublin en in Oxford brach Wilde in 1881 de dichbunjel Poems oet. In 1882 heel d'r laezingen inne Vereinigdje Staoten en in Canada; in 1883 kwaam d'r trögk nao Ingelandj veur laezinge te hajen euver Amerika.

In 1884 trouwdje Wilde met Constance Lloyd; same krege zie twieë kinjer. De vrundjsjap tösse Wilde en 'ne jóngere manskaerel, lord Alfred Douglas, lèdje toette vervolging van dem, wodoor d'r tösse 1895 en 1897 inne gevangenis mós zitte.

Oscar Wilde wuuert waal besjreven es 'nen dandy.

Literair werkBewirk

De bekindjste werke van Wilde zeen Lady Windermere's fan (1892), An ideal husband (1899), Salomé (1893) en 't stök The importance of being Earnest (1895). Oet 188 kump 't kinjerverhaol The happy prince and other tales. Zienen instigste roman is The picture of Dorian Grey (1891), worin d'r sjoeanheid verhieërlik.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Oscar_Wilde&oldid=443748"