Orsbach
Dit artikel is gesjreve (of begós) in 't Bóchezer. Laes hie wie v'r mit de versjillende saorte Limburgs ómgaon.
Orsbach is e dörp mit unjeveër 600 inwuënesj dat litt in 't Ochese sjtadsdeel Laurensberg i j'ne Dütsjen bondssjtaat Noardrien-Wesfale. 't Dörp litt zoeën zeëve kilometer van Oche, jet t'n noarde va Lemieësj bei Vols en jet t'n zude van Bóches. Orsbach litt op 'n hüh van 200 meter op 't Dütsj sjtök van 't Plateau va Bóches. In 't dörp sjteet 'n burch, die hüts i jebróch is as wuëning.
Orsbach litt i 'n lengelige umjeëving en durch de Ocher waeët de jejend as recreatiejebeed jenüts. Jet beizungesj is dat Orsbach vanoes 't inkel paar hungerd meter entfaeënde Lemieësj nor mit 'nen umwaeëg via Bóches of Vols berieëkbaar is. Dit kunt durchdat de bruk uvver de Sinselbaach en anger kling bruksjkes plaatsjelig tse sjmaal zunt vuur auto's.
Jechichte
bewirkIn 1338 woeëd Orsbach ungerdeel van 't Ocher Rieëk, 'n vrieëj rieëkssjtad binne 't Hillig Roeëmse Rieëk. 't Dörp loog aa j'ne oeës-wesverbinding va j'n rieëkssjtad noa Masjtrich. Jet t'n weste van Orsbach loge de fortificaties van Oche. De burch deende as wachtoerm en woar óch centrum van 't dörp.
-
De burch va Orsbach
