Orde van Oranje Nassau

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Ridder in de Orde van Oranje-Nassau, civiel oetveuring

De Orde van Oranje-Nassau is 'n Nederlandse ridderorde die zès ridderleke grade kènt. 'n Beneuming in de orde wert verlieënd weges biezoonder verdeenste jeges de samelaeving.

Verdeenste

Van verdeenste is sjprake es ieëmes zich gerume tied ten bate van de samenlaeving haat ingesjpanne of aander haat gesjtimuleerd, of wienieë ieëmes min of mieë ópvallende prestaties haat gelieëverd of werke haat verricht die vör de samelaeving 'n biezoonder waeërd haant (artikel 2 van 't Reglement op de Orde van de Nederlandse Leeuw en de Orde van Oranje-Nassau).

't Geet bieväörbeeld öm maatsjappelek en cultureel vriewilligerswaerk. 't Geet dan neet allèng öm besjtuurders, mae ooch öm luuj die dör hunne inzat vereniginge driejende haowe en organisaties toegankelek make vör de samenlaeving.

Rangorde

Officier in de Orde van Oranje-Nassau, civiel oetveuring

De ondersjèjjinge zeunt van hoeëg nao lieëg:

1. Ridder Grootkruis: 't ordeteke an e groeëtleent över de rechtersjowwer en 'n achpeuntige zilvere sjter.
2. Grootofficier: 't ordeteke an e haosleent (bie mansluujn) of sjtrik (bie vroluuj), en 'n veerpeuntige zilvere sjter in de vörm van 'n roetvörmige plaque.
3. Commandeur: 't ordeteke a e haosleent (bie mansluuj) of sjtrik (bie vroluuj).
4. Officier: 't ordeteke an e leent of sjtrik oeëop 'n rozet.
5. Ridder: 't ordeteke an e leent of sjtrik.
6. Lid: 'n get klènger ordeteke an e leent of sjtrik.

't Ordeteke van de veer hoeëgste grade is oetgeveurd in verguld zilver, dat van de viefde en zesde is oetgeveurd in zilver.

Het lint is oranje tussen twee strepen van Nassaus blauw, de kleuren gescheiden door een smalle witte streep.

Oontsjtoeë en hervorming

De Orde van Oranje-Nassau is óp 4 april 1892 ingesjtèld oonder regentes Emma. Tot 1996 besjtóng de orde oet vief grade en waore d'r an de orde ieëremedailles (good-zilver-broons) verboonde. Saer d'r lintjesraege van 1996 besjteet de orde oet zès grade en werre de ieëremedailles neet mie oetgereikt. Daoväör in de plaatsj kieëm t 'lidmaatschap' in de Orde van Oranje-Nassau. Biezoonder verdeenste zeunt wer mieë e criterium waoëre vör de toekenning.

Gedecoreerde

Vör lieste van in d'r Limburgse Wikipedia opgenaome gedecoreerde in de orde kiek:

• Ridder Grootkruis in de Orde van Oranje-Nassau
• Grootofficier in de Orde van Oranje-Nassau
• Commandeur in de Orde van Oranje-Nassau
• Officier in de Orde van Oranje-Nassau
• Ridder in de Orde van Oranje-Nassau
• Lid in de Orde van Oranje-Nassau
• Ieëremedaille, verboonde an de Orde van Oranje-Nassau

Literatuur

• P.J. d'Artillac Brill Sr., "Beknopte geschiedenis der Nederlandse ridderorden", 's-Gravenhage 1951
• J.A. van Zelm van Eldik, "Ons grondwetsartikel regelende de instelling van Ridderorden en de ontwikkelingsgang van de Nederlandse Orden in de 19e en 20e eeuw", 's-Gravenhage, 1985
• Nick Steenkamp, "Doe wel en zie niet om", 's-Gravenhage 2000
• J.A. van Zelm van Eldik, "Moed en Deugd", Zutphen 2003
• Nar van Otterdam Held van het veld, Helmond 2008

Externe links

• Orde van Oranje-Nassau