Oêsj-Moarend

Dit artikel is gesjreve (of begós) in 't Èèsjdes. Laes hie wie v'r mit de versjillende saorte Limburgs ómgaon.

---

Oêsj-Moarend (Nederlands: Oost-Maarland) is 'n saomevoging van de gehuchte Oêsj en Moarend ien de Nederlands-Limburgse gemejnte Èèsjde-Mergraote. Op 1 miert 2006 woene d'r 997 luj. 't Dörp hèèt 'n eige blôw plaotsnaombord. Oêsj-Moarend huurde tot ien de jaore 20 van de 20e iew tot de parochie Breusj.

Bezeenswaerdig

• Ien 1927 woert d'r 'n nuj kirk gebowd gewèjd aon de Hèlige Jozef. De architect waor Jozeph Franssen.
• Aon de Maos likt Funvalley (vreuger: 't Dagsjtrand Oost-Maarland)
• De Pietersplas, 114 ha, de groetsjte grindplas van Zujd-Limburg, is groetendeilsj eigendom van 't Limburgs Landsjap. Hie-ien bevingkt zich 'n park en 'n naokssjtrand vuur naturiste.
• Kesjtiel Oêsj aon de Kesjtiellaon sjtamt oet 1364.

Evenemente

• De Bronk trikt op de 1e zongdig ien juli, behalve eine kier ien de 7 jaor op de 2e zonjdig van juli.
• Op Pinksjtermaondig um de 2 jaor: Keuëningsvoeëgelsjete
• Gaasbrujje op Bronkdeinsjdig
• De Nach van Maarland: aovendlaopwedstrijd van 1, 5 of 10 kilomaeter
• Montmartrefête ien 'n weekend in augusjtus

Dörpsverejniginge

• Sjutterij Sint Sebastianus
• Carnavalsverejniging de Krubbebieters