OSIRIS-REx
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
OSIRIS-REx is 'n ruimtesonde die is gelanceerd op 9 september 2016 um 1:05 Nederlandsen tied. De missie vaan OSIRIS-REx waor um te vlege nao 'n asteroïde geneump 101955 Bennu, kort Bennu, die te bestudere, e moonster te numme, en dit moonster weer trök nao Eerd te bringe. De naom is 'n aofkorting vaan Origins, Spectral Interpretation, Resource Identification, Security, Regolith Explorer.
De sonde kaom op 3 december 2018 bij Bennu aon. Nao 'n klein twie jaor in 'n baon um Bennu, boe-in de planetoïed woort bestudeerd en 'n gesjikde plaots woort oetgezoch, naom 't tuig op 20 oktober 2020 vlegentere e moonster. Heinao kierde de sonde trök nao Eerd, woe de capsule op 24 september 2023 mèt parachute op de Utah Test and Training Range landde. De koumenden tied zalle wetensjappers 't moonster oonderzeuke.