Neet oét Lottum

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

Neet oét Lottum waas 'n streektaalband oét 't Limburgse Venlo. De band is halverwaege jaore negetig opgerich as coverband veur 'n einmalig optraeje mit karneval, mer haet zich sins toen op serieuzere meziek toegelag. Mit name in Noord-Limburg is de band hiel populair. In februari 2009 maakde de band bekind te gaon stoppe. In juni 2009 waerde 'n slotconcert gehalde in de Maaspaort in Venlo.

De naam van de band refereert aan 'n oétdrökking "Ik kóm neet oét Lottum", det oersprónkelik get beteikent wie "Ik bin toch neet gek?".

't Nummer Hald mich ens vas veurt de door de regionale zender L1 samegestèlde Limbo Top 100 aan en kwaam in 2005 in de Top 2000 van Radio 2 binne op 508. In 2007 behaolde 't nummer mit plaats 235 zien hoegste positie.

Zanger van de band waas Frans Pollux.