Nederduutsj

(Doorverweze van Nederduits)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Allewiel versjpreiingsgebeed van de typologisch Nederlandse (in roaj tinten) en de Nederduutsje dialekte (geel- en broenechteg)

Aafhenkelek van de diffenitie ies Nederduutsj ofwaal de verzamelnaam veur 'n aantal in 't noorde van Duutsjland en 't noorde en oaste van Nederland gekalde Wesgermaanse dialekte die neet höbbe deilgenomme aan de Hoagduutsje klankversjuving, ofwaal de aw benaming veur de Nederlandse taal.

Es allewiel taalkundeg versjiensel ies 't Nederduutsj in häör ingste diffenitie de veurvajer van 't allewiel Nederlands, Nedersaksisch, Braobants en Hollesj (bekans alle Wesgermaanse tale die van ik en neet van i(e)ch spreke[1]). Volges häör breidste diffenitie (bekans alle Wesgermaanse tale die van make en neet van mache sjpreke) vilt ouch 't Limbörgs nog zjuus onger 't Nederduutsj[2].

Nederduutsj sjtreektale en dialekteBewirk

Tot 't Nederduutsj weure zoawiezoa de volgende sjtreektale en dialekte gereikend: 't Noord-Nedersaksisch (inclusief 't Oas-Fries en 't Sjleeswiek-Holsteins), 't Wesfaals, 't Oasfaals en 't Oas-Nederduutsj zoawie 't Mecklenburgs-Veurpommers en veur 1945 behuèrde ouch 't Oas-Pommers en versjillende variante van 't Platt in Wes-Pruusje en Oas-Pruusje daotoe. Die lèste drie dialekte zin verdwene mit de bevouking van daes provincies wie die woorte geannexeerd tot Pools grondgebeed.

NederduutsjBewirk

Oarsjprunkelek waor 't begrip "Nederduutsj" ouch de naam van de dialekte in 't Nederlandstaleg gebeed van huuj. 't Woort zelfs tot aan de Twiède Waereldoorlog diks es synoniem van 't Nederlands gebruuk. Allewiel weurt dat nog meh wieneg gedoon. De aandujing "Nederduutsj" weurt überhaup wieneg gebruuk. Luuj die zelf Nederduutsj kalle numme 't diks Plattdüütsch of sömpelweeg Platt of Plat (zoawie luuj dat ouch doon euver hun Limbörgse mojertaal).

Volges de meis breie diffenitie van 't Nederduutsj, geit 't um alle dialekte die make(n) i.p.v. mache(n) zigke. In dat geval valle dus neet allein de Nedersaksische, mer ouch de Nederfrankische dialekte onger 't Nederduutsj. In dat geval vilt dus ouch 't Limbörgs nog zjuus binne 't Nederduutsj, wiel Limbörgs-Ripuarische euvergengsdialekte wie Kirkräödsj dat zjuus neet mie doon.

  1. Mèt Fries es groate oetzongering, die ziech los van 't Platduutsj haet ontwikkeld
  2. Dus neet de Limbörgs-Ripuarische euvergansdialekte, wie 't Kirkräödsj
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nederduutsj&oldid=446475"