Natuurlek getal

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Mengelkes mèt eine, twie en drei eppel. De eppel weure per stök getèld, in natuurleke getalle.

De natuurleke getalle zien 'n verzameling vaan getalle. 't Zien die getalle die me kin gebruke um dinger die per stök goon te tèlle, wie 1, 3, 10, 5000 etc. Dèks weurt ouch 0 tot de natuurleke getalle getèld. Dat deit me evels neet ummer. 't Wiskundeg symbool vaan de natuurleke getalle is (sjaolbordlètter N). E variabel natuurlek getal in 'n vergelieking weurt dèks wie n gesjreve.

't Gief oonindeg väöl natuurleke getalle. Door hun klaor definitie is de verzameling vaan natuurleke getalle evels wel tèlbaar oonindeg (, spreek oet alef-nul). Me kin de verzameling in veer oonderverzamelinge verdeile, boevaan 'rs twie ouch tèlbaar oonindeg zien en twie aandere oet ein elemint bestoon: 0, 1, de priemgetalle en de samegestèlde getalle. (Meh zuug wat heibove euver de nul weurt gezag). De natuurleke getalle kinne weure gevisualiseerd op 'n haaf getallelijn, die gein ind heet meh wel e begin.

De natuurleke getalle make zelf weer deil oet vaan diverse groeter verzamelinge, te beginne mèt de ganse getalle.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Natuurlek_getal&oldid=454636"