Naold

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Plaetsje örsjte naold oet paleolithicum mèt ów

Modern naold

'n Naold is e gereedsjap dat gebroekd wert öm sjtökker sjtóf of laer anèè te nieje.

Historie

Archeologische vonste wieze oet dat de Solutréen, e prehistorisch vólk dat tösje 22.000 en 16.500 jaor gelaeje in Fraankriek, Sjpanje, Portugal, mae ooch in Ingelaand gelaefd haat, de naold mèt 't ów haant oetvoonde. Näölde die doe gemakd waoërte va knaoëk zeunt truukvoonde. Waarsjienglek waoërte ooch näölde va hoot gemakd, mae die zeunt natuurlek vergange.

Gebroek

Naeve 't anèè nieje va sjtóf en laer werre näölde ooch gebroekd öm get te versere. Dit neumt me bordure. Öm te sjtrikke gebroekt me sjtriknäölde en öm te hekele, hekelnäölde. 'n Naold is noe mètstens va sjtaol en de diekde van 't ów varieert al nao gelang oeë me de naold vör gebroeke wilt. 'n Sjtópnaold haat e groeët ów, 'n niejnaold e klèngt. De lengte varieert ooch nao gelang 't gebroek. 't Gèft näölde van 2cm bies 10cm. De diekde van de naold is zelde dieker wie 2mm.

Näölde werre ooch gebroekd in niejmesjienger.

Aander betekenisse van 't waoërd naold

• De injectienaold die gebroekd wert in combinatie mèt 'n injectiesjpeut
• 'n Naold van 'ne platesjpäöler
• 't Blad van naoldbeum, ooch spaangebuim
• 'n Naold van e maeëtinstrumaent dat de maeeëtwaeërd aagèft, of van 'ne kompas
• 'n Peuntige hoeëg hak oonder 'ne sjoon neumt me naoldhak

Kiek ooch

• Sjpang