Myra Ward

Dit artikel is gesjreve (of begós) in 't Tegels. Laes hie wie v'r mit de versjillende saorte Limburgs ómgaon.

---

Myra Ward en Bert van der Linden (1961)

Myra Ward (Tegele, 23 augustus 1916 - D'n Haog, 26 juni 1990) waas ein Nederlandse aktris.

Myra Ward woord gebaore as Myra Sijrier. Eur moder hoot Wilhelmina Louisa Lippens en eur vader hoot Willem Hendrik Ward Sijrier; dae waas in de Vereinegde State van Amerika ónger de naam Walter Ward aktief as aktäör. De naam Ward waas de achternaam van zien moder Catharina Ward. Toen Myra begós met aktere gebroekte zeej net as eur vader de achternaam Ward. Myra Ward speulde met twelf jaor eur ieërste tenieëlrol. Daonaeve deej zeej aan ballet en operette. In 1935 debuteerde ze beej het Rotterdamsch Hofstad Tooneel van Cor van der Lugt Melsert in D'n Haog. Heej lieërde zeej Paul Steenbergen kenne, waomei zeej in 1950 zou trouwe. Vanaaf 1949 sjtóng zeej met öm op de buun met de Haagse Comedie. In 1957 won zeej de Theo d'Or, de prieës veur de beste Nederlandse tenieëlaktris. Myra Ward speulde veural tenieëlrolle, maar haet ouch in films, televisieseries en huuerspelle meigedaon.

Externe leenks

• ((en))Myra Ward in de Internet Movie Database