Munnik
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'ne Munnik of mónnik is emes dae vanoet zien religieus euvertuging d'rveur kuus gei gezin stifte, meh dao-inplaats zie laeve gans inrich óm zien religie te dene. 't Waord kump van 't Grieks "μοναχος" (monachos, "einzem"). Munnike woeane döks biejein in e kloeaster of 'n abdie, wo ze 'n speciaal daagindeiling höbbe die gans is gewiedj aan ubing in e beübing van häör religie. Ouch bestaon tradities wobie de munnike neet gans biejein woeane, mer 'n aktief bestaon höbben inne samelaeving. Döks zeen dees munnike wirkzaam inne gezóndjheidszörg, maotsjappelik wirk of 't óngerrich. Zoea zeen väöl krankenhoezer gestif gewaore door begiene of munnike; allewiel waere verplieëgkóndige nag döks "zöster" geneump.
De próntje meining van 't waord "munnik" versjiltj zich per religie; eder religie of religieus struiming guuef zien eige invölling aan 't munniksjap.