Muiden

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Muiden in Noord-Holland

Muiden is e stedsje in de gemeinte Gooise Meren, in de Nederlandse provincie Noord-Holland, aon 't IJmeer, mèt 'n klein 7000 inwoeners.

In Muiden ligk 'n gotische kèrk mèt 'n laat-romaansen torie. Bij 't stedsje ligk 't Muiderslot, e middeliews kestiel bekind door de moord op Floris V en de zoegenaomde Muiderkrink, 'ne sjrieverskrink roond Pieter Corneliszoon Hooft.

Historie

Muiden, wat zjus wie de ander plaotse in 't Gooi al in de vreug Middeliewe bestoont, weurt veur 't iers geneump in 953 es keizer Otto I 't dörp aon 't Domkapittel vaan Utrech gief. In 1122 krijg Muiden stadsrechte; die weure in 1296 bevesteg. In datzelfde jaor vint hei de moord op Floris V plaots.

Vaan 1702 tot 2004 waor Muiden e centrum vaan kroetindustrie. Um veilegheidsreies is 't febrik toen geslote. Tot 2016 waor Muiden 'n zelfstendege gemeinte, boebij ouch 't dörp Muiderberg hoort.