Mijl
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De mijl is een lengdemaot, die tegewoordeg veurnaomelek nog in de Ingelstaolege wereld weurt gebruuk. Vreuger woorte reisaofstande in mijle aongegeve. De lengde vaan 'ne mijl waor evels neet euveral geliek. Vaanajds waor 't de lengde vaan doezend dobbel stappe. In 't metriek stèlsel is de mijl vervaange door de kilometer.
't Gief versjèllende mijle:
- 'n aw Nederlandse maot, de Nederlandse mijl
- de Franse mijl (mille), oftewel 1000 toise
- de Ingelse mijl, geliek aon 1609,344 meter
- de US Survey-mijl is 3 mm langer, dus 1609,347 meter
- de ziemijl, geliek aon 1852 meter, wat e kwaart is van de geografische mijl, gebruuk in de loch- en zievaart
- de geografische mijl, geliek aon 7400 meter, oftewel 1/15 vaan 'n breidtegraod vaan de Eerd
- de Noors-Zweedse mijl, geliek aon 10 kilometer
- de Romeinse mijl, geliek aon doezend dobbel passe, 1478 meter
- de metrische mijl, geliek 1500 meter, gebruuk in de sport (beveurbeeld sjaatse en hardloupe)
- de Belzje mijl, geliek aon 5 kilometer