Äöpen houfmenu

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking vanne staot in Mexico.
De netuur inne staot.

Mexico (Spaans: Estado de México; Nahuatl: Mexihco; Otomí: Lëngu Mundö; Mazahua: Tsib’onro), informeel bekandj es Edomex, is eine vanne einendertig staote van Mexico. Mit 16,2 miljoen inweuners is 't de Mexicaanse staot mitte hoogste bevölkingsdichheid. De staot haet 'n oppervlaakdje van 21.355 km² en wuuert begrens dore staote Hidalgo, Tlaxcala, Puebla, Morelos, Guerrero, Michoacán en Mexico-Stad. De houfstad vanne staot is Toluca de Lerdo. Anger groeate stej zeen Ecatepec, Nezahualcóyotl, Naucalpan, Tlalnepantla, Chimalhuacán en López Mateos.

In 't naorde vanne staot ligk de Pre-Columbiaanse stad Teotihuacan. 't Viltj roeweweg oeterein 't twieë deile:

  • 't oestelik deil vanne staot ligk inne Mexicovallei en wuuert ómgaeve door berg en vólkane, worónger de bekandje Popocatépetl, dae mit 5462 maeter hoeag 't hoogste puntj vanne staot is. Wiejer ligken hie e deil sterk vervoeldje maere die euverbliefsele van 't aad Texcocomaer zeen. In dit deil wóntj 't grótste deil vanne bevölking inne veurstej van Mexico-Stad;
  • de Sierra de Ajusco sjèdj 't oeastelik deil van 't wèstelik deil inne Tolucavallei. Dit beil is bergetig en watertj via de Río Lerma aaf oppe Groeaten Oceaan.

Mexico is mit mieër es 16 miljoen inweuners de bevölkingriekste staot van 't landj. Indianevölker die innen deilstaot veurkómme zeen de Mazahua, de Nahua enne Otomí. De inweuners vanne staot waere mexiquenses geneump veur zie te óngersjeie vanne mexicanos (alle inweuners van 't landj).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mexico_(staot)&oldid=436588"