Merinosjaop
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
't Merinosjaop is éng van de bekaandste sjaopsrasse in de waelt. 't Is 't mèts väörkaomende sjaopsras in de waelt en wert över 't algemèng gepraeze vör de kwalièet van de wól. In Nederland is d'r Merino 'n zeldzaamheed.
D'r hieër va Brook (Voere) heel in d'r 19de ieëw Merinosjäöp die e oet Australië holde vör de wól.
Historie
bewirkVan oorsjprong kieëme de merino's van 'ne klènge berbersjtam oet Noord-Afrika, die dör de Sjpanjaarde waoërte veroverd. De Sjpanjaarde nome 't sjaopsras mèt en kruiste ze mèt Sjpaanse sjäöp, wat oeteindelek geresulteerd haat in 't noe bekènde sjaopsras.
An de more is 't succes van de merinosjäöp te danke. Wie zie in Spanje laefde haant zie de 'Mesta' opgericht, dit waor e saoërt van gilde van sjaopsboere die 't fókke van sjäöp in gój bane moesse lèjje. In de middelieëwe waoërt 't merinosjaop es exclusief Sjpaans gezieë en waoërt 't cadeau gedoeë an hoeëggeplaadsjde gaste.