Mark Twain
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Samuel Langhorne Clemens, baeter bekèndj es Mark Twain (30 november 1835 - 21 april 1910) waas 'nen Amerikaanse sjriever en essayis. Hae woort veural bekendj door zien beuk The Adventures of Tom Sawyer (1876) en The Adventures of Huckleberry Finn (1884), die bei klassiekers vanne Amerikaanse litteratuur zeen gewaore. Opvallendj is det die toch allewiel oet väöl Amerikaanse bibliotieëke wuuertj gewaerdj, vanwaengen 't gebroek van 't destiedsj algemein gebroekdje waord "nigger" veur "zwarte mins", det noe 'ne negatieve bieklank haet en wuuertj vervange door terme wie black of Afro-American. Ouch de veurstèlling van "Injun Joe" (Indian Joe) es 'ne lichtelik ónbetroewbare gevieërlike halve wilje kan inne ouge vanne hujige politisch krekke laezer döks gein genäöj mieë vinje, aangezeen 't in 'n negatieve meneer verwies nao de inheimsje bevölking van Naord-Amerika, de indiane.
't Pseudoniem Mark Twain kump meugelik van 'ne kreet gebroek oppe reveer veure gepeildje deepdje aan te duje: "mark twain" beteikentj den "twieëdje mirkteike".