Malta (eiland)
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Eiland Malta is het groetste (246 km²) vaan de eilen die same de rippebliek Malta vörme. 't Eiland ligk in 't midde vaan de Middellandse Zie, ten zuie vaan Sicilië en ten noorde vaan Afrika (35° 53′ noorderbreedte, 14° 26′ oosterlengte). De hoofstad vaan 't eiland is Valletta. 't Eiland heet 357.000 inwoeners (oongeveer 90% vaan de totaal bevolking vaan 't land). De munteinheid is de Euro (sinds 1 jannewarie 2008).
Geografie
bewirk't Eiland is 246 km² groet, de aofstand tösse de twie weidste punte is 27 kilometer en 't heet 136 km köslijn. Sicilië ligk oongeveer 110 kilometer ten noorde vaan Malta en de aofstand tot de kortsbijzijnde Afrikaanse kös (Tunesië) is 290 km. De twie klein eilen Comino en Gozo ligke zès kilometer ten noorde vaan 't eiland.