Lezanja

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Lezanja is 'n Italiaanse aovesjóttel die wuuertj klaorgemaak mit dön pastablajer van zoeaget tieën à vieftieën centimaeter.

Op 't plat en Nederlandjs heite dees blajer lezanjablajer, in 't Italiaans heite die lasagne (mieëvaad). Ouch de ganse sjóttel wuuertj in die litste spraok mit dees term aangeduudj of vóloet lasagne al forno ("blajer oeten aove"). Trótsdet lezanja e tupisch Italiaans gerech is, kump de naam oet Griekelandj, wo "lasanon" veur 'ne platten deigkook steitj.

Bereijing

De aovesjóttel wuuertj gemaak mit veurgekaokdje, halfgaar sjieven aan pasta, gehak, Parmezaanse kieës en bechamelsaus. 't Guuef versjillige versie, ónger anger mit spinaasj.

Ouch boeten Italië wuuertj lezanja väölvöljig ane lokale smaak aangepas. Zoea wuuertj lezanja innen Ierse keuke bereidj mit tomate, cheddarkieës en 'n groeat wieväölheid gehak, daobie geserveerdj mit friet.

In kantj-en-klaore lezanja is e deil vanne kieës döks vervange dore baeterkoupen analoogkieës.