Lektrikbatterie

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Batterie is e veurwirp veuren opslaag van lektriciteit. 't Besteitj oet 'ne lektrotechnische component en spanningsbrón, 'n kómbinaasje van ein of mieëder lektrosjemische celle, die waere gebroek veure ómzètting van opgeslage sjemische energie in lektrikenergie. Det kan weer es lektrikenergie - lektrikstroum - waere geleverdj. Historisch wuuertj 'n aantaal parallel of in serie gesjakeldje lektrosjemische celle, Leidse flesse of condensatore 'n batterie geneump, inne vouksmóndj haet de inkel cel vanne batterie de naam van 't gehieël euvergenómme.

'nen Auto-accu is 'n oplaajbaar batterie, meh dees wuuertj in Nederlandj, in taengestèlling toet 't Belsj, gewuuenlik gein batterie geneump.

't Symbool veur 'n batterie in 'n lektriksjieëma is es volg:

't + en - teike waere döks eweggelaoten ómdet me ane gruuedje vanne "platen" inne teikening kan zeen welche kantj de + is en de - is. 'n Aezelsbrögkske is det veur 't + teike twieë kieër zoväöl streep nuuedig is es veur 't - teike.