Larisa (stad)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Larisa (Nuigrieks: Λάρισα) is 'n stad in Griekeland en de hoofplaots vaan 't gelieknaomeg departemint en de periferie (regio) Thessalië. De stad heet op ziechzelf volges de census vaan 2001 113.900 inwoeners. Volges 'n sjatting vaan 2007 heet 't evels al 124.376 inwoeners. De agglomeratie heet oongeveer 250.000 inwoeners. Op Athene en Thessaloniki nao is 't de groetste stad vaan Griekeland. Larisa waor de geboorteplaots vaan de bekinde filosoof Hippocrates vaan Kos.

Geografie

't Oppervlak vaan de stad gief 122,6 km² en ligk gelege op 61 meter huugde. 't Heet 1.014 inwoeners op de veerkante kilometer.

Naom

Dèks weurt Larisa gesjreve es Larissa. Soms weurt ouch de lètterlek vertaolde titel Lárisa gebruuk. Op 't Nederlands weurt es ein vaan de wienege taole de dobbel s gebruuk, um verwarring te verkaome: väöl dörper en stei oet de Griekse aajdheid heite naomelek ouch Larisa. In de volksmoond weurt miestal ummer Larisa aongehawwe. Larisa heet häöre naom te daanke aon de mythe vaan de nimf Larisa. Dees nimf leefde mèt de Griekse god Akrifius, dee vervolges dees stad zou höbbe gestiech. Me weit neet percies wienie Larisa de officiële naom woort. Dèks liet me ouch in tekste de naom Akrifius valle veur 'n stad in de naoventrint vaan Larisa. Me kin neet mèt zekerheid zègke tot Akrifius en Larisa benaominge zien veur dezelfde stad.