Labradorzieë

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.

De Labradorzieë (Ingels: Labrador Sea, Frans: Mer du Labrador; Daens: Labradorhavet) is 'n zieë tösse 't Canadese schiereiland Labrador en Greunland. 't Is ónderdeil van de Naordelike Ieszieë en eur oppervlakde bedruueg óngevier 841.000 km². Smeis wuurt ze beschouwd as randzieë van d'n Atlantischen Oceaan. De baojem van de zieë leet gemiddeld 1.800 maeter ónder de zieëspegel mit 'n maximum van 4,3 kilomaeter. Eur breidte en lingte bedruueg 900 en 1000 kilomaeter. De Straot Davis verbingk de Labradorzieë mit d'n Baffinbóch.

De kösstrook wuurt bewoeënd door de Inuit.

In de zieë guuef 't ónder ander hiering, schelvis, platvisse en verschillende krabechtige.