Kynodontas
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Kynódontas of Κυνόδοντας (Limbörgs: Hoondetand, gengbaore titel in Europese cinema: Dogtooth) is 'ne Grieksen dramafilm vaan de filmrezjiseur Giorgos Lanthimos, oet 2009. De film is veurnaomelek Nuigrieks gesproke. Ouch gief 't Ingels. De groetste rolle weure gespäöld door de aktäörs Anna Kalaitzidou, Aggeliki Papoulia en Hristos Passalis.
Verhaol
bewirk'ne Pap, mam en drei kinder leve in 'n hoes aon de rand vaan 'n stad. 't Hoes weurt umreenk door e groet hèk en de keender höbbe 't hoes nog gaar neet verlaote in hun leve. Ze weure gesjaold, opgevooj en vermaak door de awwers zoewie dees dat wille, zoonder invlooj vaan boeteaof. De einegste persoen dee weurt tougelaote us Christina, 'n beweekster vaan vaojers bedrief. Vaojer organiseert häör bezeukskes um de seksuele drèfte vaan de opgreuiende zoon op te wèkke. De gaans femilie is gek op häör, veural de aajdste dochter. Op 'nen daag gief Christina häör 'ne kopband cadeau. Ze verlangt daoveur evels wel get trök.