Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking van Kumlinge in Finlandj.

Kumlinge is 'n arsjipel en gemèndje in Ålandj, Finlandj. De gemèndje haw 314 inweuners op 31 mieërt 2016 en 'n landjoppervlakdje van 99,36 km², van 'n totaal (inclusief water) 865,88 km². De bevoukingsdiekdje is 3,17 luuj de km². De plaatse die inne gemèndje ligke zeen: Björkö, Enklinge, Kumlinge (de houfplaats), Prästgården en Seglinge.

Plaats vanne sjeepsramp van 1773.

Kumlinge woort veuren ieëste bewóndj róndjen dertieëndjen ieëf, toe de Vikinge hie häören tössestop maakdje. In daen tied waas 't eilandj door posglaciaal ophöffing väöl klènder es noe. De effèkte van posglaciaal ophöffing zuut m'n ouch good bie Gravstensgrundet, 'nen herdinkingsstein op e klei rótseilandj te naordoeaste van Björkö. In 1773 leep dao e sjeep ane gróndj in 't water, went de róts kwaam toe nag bao neet baoven 't water oet. 't Sjeep kapseisdje en e deil luuj kwaam óm 't laeve.

In 't dörp Kumlinge zelf steit de Sint-Annakirk oete vieftieëndjen ieëf. 't Guuef twieë musea inne gemèndje: 't Sjölunds gårdsmuseum en 't aopelóchmuseum Hermas museigård op Enklinge.

De gemèndje is einspraokig Zweeds. De gemèndjecode is 295.

Demografie bewirk

In 2016 woor de laeftiedsverdeiling van de bevouking es völg:

  • 0 toet 14: 8,8%
  • 15 toet 64: 58,4%
  • 65 en ajer: 32,8%

De spraokverdeiling woor in 2016 det 89,9% vanne bevouking 't Zweeds es ieëste spraok haw; 5,8% haw 't Fins es ieëste spraok en 4,2% haw 'n anger ieëste spraok.

Hie-ónger völg de demografische óntwikkeling vanaaf 1980.

1980 1985 1990 1995 2000 2005 2010 2015
454 465 465 439 405 355 364 317
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kumlinge&oldid=455381"