Kravattesjpang

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

'n Kravattesjpang is e klèè klassiek seerraod dat bie de klèjjer va mansluuj behuurt. Dis sjpang haat ooch 'n praktische funktie. Ze hèlt de kravat vas an 't hèmd. Mètstens wert de kravattesjpang in 't baovensjte driejde same mèt de kravat an 't knópsbaoërd van 't hèmd vasgemakd.

Kravattesjpange zeunt glad of gegraveerd mèt motieve. De gebroekde metale zeunt good, zilver of menglegeringe. Ooch edelsjtèng kènne de sjpang versere en mètstens wert dao citroenkwarts vör gebroekd.

De kravattesjpang gèft 't ooch in 'ne kèttevariaant, soms zelfs mèt hengerke.

In bedriefstek oeë 't drage van 'n kravat verplicht is, zoewie 't baakweze of de hoeëger gastronomie, trèft me ooch dèk de kravattesjpang aa.

Historie

De kravattesjpang is oontsjtande in d'r 19de ieëw en waor d'r ópvólger van de haosplaknaold.