Krök (hölpmiddel)
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
'n Krök (meistes gezag op 't mieëvaad krökke) is e medisch hölpmiddel det wuuertj gebroek wen emes get aan 'ne bein of aan bèds bein haet, meistes 'n verwónjing. Ouch waere krökke gebroek wen emes gei gewich oppe bein moog zètte.
't Guuef versjillige saorten aan krökke. De meis-veurkómmendje krökke höbben 'ne steun veuren óngererm, mer ouch guuef 't krökke die toet óngerane oksel kómme, of krökke wobie de gewóndje bein bieje kneen kan rasten oppe krök. Dees litste saort guuef mieë vrieheid veure henj.
Veure veurtbewaeging mit krökke guuef 't versjillige waeg. Bieje klassieke krökke mitten óngerermsteun waere de krökken ieës nao veur gezatj same mitte bein dae me neet maag broeke; hiebie verlègk de persoean zie gewich nao de krökken en zèt ziene gezónje voot den nao veur.