Kokoseilenj
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
De Kokoseilenj, Cocoseilenj of Keelingeilenj zeen twee atolle t'n zuudweste van Java in d'n Indischen Oceaan, hellerwaeges Australië en Sri Lanka. De Kokoseilenj dene neet te waere verwardj mit 't Cocoseilandj bie Costa Rica.
De twee atolle vörme same 'n extern territorium van Australië. Ze zeen in 1609 óntdèk gewaore door de Britste kapitein William Keeling.
De groep besjteit oet 27 eilenj mit 'n oppervlakde van zoget 14 km². Van de eilenj zeen slechs twee eilenj bewoond, West Island en Home Island. De houfsjtad is West Island, mer 't plaetske Bantam op Home Island is mit 414 inweuners 't grótste dörp van de arsjipel. Gans biejein tèlle de Kokoseilenj 596 inweuners (2009).
| Aafhenkelike gebejer in Azië |
|---|
| Akrotiri en Dhekelia¹ · Hong Kong · Kaersjmeseilandj · Kokoseilenj · Macau |
| 1. Dit land ligk gedeiltelik of gans in Azië, meh weurt óm cultureel en historische raejes ouch bie Europa ingedeild. |