Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'n Kittingpons.

'n Kittingpons, fietsjepons of draodaezelpons is e gereidsjap womit me 'n fietsjekitting oppe juuste lingdje kan bringe.

Behölpes 'n kittingpons kan 'n pen inne kitting gans of deils in- of oetgedrejdj waere veure kitting te verzeen van 't gewunsde aantaal aan sjakele. Ze haet daoveur 'n drökstif mit 'nen kleinderen diamaeter es de pen inne kitting. De stif zitj vas aan e sjroefmechaniek zodet de stif in- of oetgedrejdj kan waere.

Veur 'n pen oete kitting te drökke wuuertj de kitting zoea inne kittingpons gelag det ze inne daoveur bestumdje nokke vèltj en de pen mitte stif in 'n lien kómme te ligke. Bieje oetdrejjing vanne stif zal de pen vervölges dore stif ummertoe wiejer oete kitting waere gedrök.

't Sloete vanne kitting is aafhenkelik vanne saort aan fietsjekitting. Sómmige kittinge kónne waere geslaote door mitte kittingpons 'n bestäöndje of neet gans-oetgedrökdje pen trögk te duje mitte pons. Bie anger kittinge mót de pen gans waere oetgedrök, wonao 'n speciaal pen wuuertj gebroek veure kitting te doon sloete. Ouch bestaon speciaal sloetsjakele die zóngere pons de kitting kónne sloete.

Zuuch ouch bewirk

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kittingpons&oldid=393879"