Kirkenes

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

Kirkenes is 'n klein sjtad in de Noorse pervincie Finnmark. 't Is de houfplaats van de gemeinte Sør-Varanger. De sjtad is veural bekènd es 't injpuntj van de Hurtigruten. Kirkenes is ouch 't injpuntj van d'n autowaeg E6. De kórtsten aafsjtandj euver de waeg nao de Rössische grens bedreug 47 km; de grenseuvergank bie Grense Jakobselv bevindj zich op 'nen aafsjtandj van 57 km. Hemelsbreid ligk 't Rössisch gróndjgebied nag gein 5 km van Kirkenes aaf.

De plaats haet róndj de 4.000 inweuners.

In 1944 waas Kirkenes de eerste sjtad van Nórwaeg die waerde bevriejd; en waal door 't Rössisch leger. Wie d'n oorlog waas aafgeloupe sjtinge nog mer derteen hoezer euverinj.